SCENA UNDICESIMA

Strada come prima, con case.

Siora Chiaretta al balcon.

CHIAR. No passa un’anema per de qua. Tutta la zente xe in Piazza. Almanco che passasse sior Baseggio. Chi sa che nol sia co quella pettazza de Orsetta! Ah povera Chiaretta desfortunada! xe meggio che torna fuora106. A Venezia no gh’ho fortuna. Ste putte che xe use a Venezia, le xe furbe co fa el diavolo. Mi, povera gramazza, no so troppo far; qua no me mariderò mai. Pazienza.