IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
I link alle concordanze si evidenziano comunque al passaggio
SERV. Cossa xe, siora mascara? (ad Arlecchino) Ghe xe vegnuo mal? Vorla dell’acqua fresca?
ARL. Gnente, amigo, son cascà.
SERV. L’abbia la bontà de comodarse, e no far sussuro. A Redutto no se fa sti strepiti. (parte)
LUG. (Adessadesso custù me fa svergognar anca mi). (da sé)
ARL. Son qua, siora mascara... (a Lugrezia)
LUG. Andè là, andè a spazzizar145.
ARL. Sangue de mi, gh’ho do ducatelli d’arzento, me vien voia de andarli a rischiar.
LUG. Via sì, andè, da bravo, e po tornè qua.
ARL. Vôi rischiar la mia fortuna. (va per andar via)
LUG. Oe, mascara. (Arlecchino seguita ad andare) Mascara. (Arlecchino come sopra) Mascara. Ih!
ARL. A mi?
LUG. Sì, vegnì qua. Seu sordo? (Arlecchino torna da Lugrezia)
ARL. La compatissa. Credeva che all’omo se ghe disesse mascaro.
LUG. Gh’avè rason: alle mascare come vu, se ghe dise mascarotto. Sentì, zoghemoli a mità quei do ducati.
ARL. Volentiera. Me ne dala altri do?
LUG. Intanto zoghè quelli, e po vegnì qua.
ARL. Non occorr’altro. Prima i mii, e i sói gh’è tempo. (parte)
LUG. De le volte sti martufi146 i porta via de le cappellae147 de ducati.