SCENA VENTINOVESIMA

Arlecchino e detti.

LUG. (Varè che fegure da vegnir a Redutto!) (burlando le tre maschere)

ARL. (Siora mascara). (malinconico)

LUG. (Cossa gh’è?)

ARL. (I ho persi tutti).

LUG. (A vostro danno. Dovevi vegnir qua).

ARL. (Me dala quei tre, che tornerò a refarme?)

LUG. (Eh no no, vecchio, sè in desditta154! Zogherè un’altra volta).

ARL. (Corpo del diavolo!)

LUG. (Via, senteve qua, e tasè).

ARL. (Ah pazienza!) (siede, e dorme)

LUG. (Oh, i mii no i se perde più!)

ORS. (Oe, me par de cognosserle quelle mascare). (a Baseggio)

BAS. (Chi xele?) (si volta a Chiaretta)

CHIAR. (Lo minaccia)

BAS. (A mi?)

ORS. (Oe, sentì: saveu chi la xe? Chiaretta co mia sior’àmia).

BAS. (Eh via!)

ORS. (Le cognosso).

BAS. (Andemo via?)

ORS. (Sì ben. Oe, mascara, desmissieve!) (a sua madre)

BAS. (Ma aspettè; per no dar in te l’occhio, mi spazzizerò, e vu andarè via, e po mi ve vegnirò drio155). (s’alza. Siora Fabia parla piano alla figlia)

ORS. (Oe, mascara?) (a Baseggio)

BAS. (Cossa voleu, mascara?) (a Orsetta)

ORS. (Saveu cossa che m’ha dito sta mascara? Che la magnerave volentiera un pollastro).

BAS. (Fe una cossa, aspetteme alla Luna156, che vegno. Saveu dove che la xe?) (siora Fabia fa moto di sì)

ORS. (Fe presto, savè, che v’aspettemo). (Orsetta e Fabia andando via passano davanti le tre maschere: Chiaretta minaccia Orsetta, che fa moto che non vi pensa. Giulia a siora Fabia gli fa puf157. Fabia le fa una mala grazia, e tutte via. Baseggio passeggia)

LUG. (Oh che belle scene! oh che belle cosse che se vede a sto Redutto! A vegnir qua el xe el più bel spasso del mondo. Altro che commedie!) (da sé)