SCENA QUINDICESIMA

Sior Baseggio e detti.

BAS. Siora.

LUG. Qua sior Boldo se fa in liogo de pare de so nezza Orsetta, e el ve la dà, se volè, ma senza dota. Aspetteme, che vegno. (parte)

BAS. Sior Boldo, me cognossè, savè chi son, se ve contente, la torrò volentiera.

BOL. Dovevi dirmelo a mi, caro vu, che sparagnava un per de candelieri d’arzento.

BAS. Magari! anca mi averave sparagnà una scatola.