IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
ATTO SECONDO
SCENA PRIMA Boschetto corto nel giardino delle Tuglierie di Parigi, con varie sedie di paglia, sparse qua e là per la scena. Arlecchino in abito alla francese con parrucca in borsa.
I link alle concordanze si evidenziano comunque al passaggio
SCENA PRIMA
Boschetto corto nel giardino delle Tuglierie di Parigi, con varie sedie di paglia, sparse qua e là per la scena.
Arlecchino in abito alla francese con parrucca in borsa.
ARL. (Pavoneggiandosi, facendo delle riverenze, e provandosi a far il galante ed a parlar francese) Monsieur... Votre serviteur très humble... comment vous portez-vous... à vous rendre mes devoirs... Je suis enchanté... ma fois en sovitè... oui. Oh che bella cossa! oh che bella cossa! Son qua a Parigi, son impareginà. Oh che gusto, oh che piaser! (allegro; poi pensa e dice patetico) Oh che piaser, oh che gusto, ma ho perso mia muggier, e questo no me dà troppo gusto. Sto zardin delle Tuglierie el xe grando co fa un paese. Quei do francesi l'ha tolta in mezzo. I corre che el diavolo i porta; i ho persi de vista, e no so dove andarli a cercar. Pazenzia, o presto o tardi la troverò, ma sta cossa la me despiase un pochetto. Son avezzo a star sempre con ela. No voleva lassarla andar co nissun, ma in sto paese no ghe vol zelusia. Me preme de farme onor, e bisognerà sopportar. Son stracco, xe caldo, me senterò un pochettin. (siede) Manco mal che ghe xe sto comodo de ste careghe; starò qua; se capitasse mai mia muggier... Sento zente. Donne! donne, per diana donne! (si alza) Manco mal che no ghe xe mia muggier. (passeggia)