SCENA OTTAVA

Arlecchino e detti.

ARL. L’è qua el sior conte Ottavio.

PANT. Che el resta servido. El xe patron.

ARL. Questo l’è generoso. Me vôi buttar. (parte)

PANT. Se le permette. Gh’ho un interessetto co sto cavalier.

FLOR. Tornerò a darvi incomodo.

PANT. Co la comanda.

BEAT. Almeno ditegli...

PANT. Mo cara ella, no la sente che el xe un cavalier?

FLOR. Ha ragione; non lo disturbiamo. E poi il mio affare non è sì breve per trattarlo così su due piedi. Oggi sarò a riverirvi.

PANT. Ancuo, o doman. Co la vol.

FLOR. (Rosaura non gli ha detto nulla. Non so che pensare). (da sé, parte)

BEAT. Signor Pantalone...

PANT. Cara ella la prego...

BEAT. Una parola, e vado. Il padre del signor Florindo accorda...

PANT. El cavalier xe qua.

BEAT. Accorda ch’egli sposi la signora Rosaura. (L’ho detta). (da sé, parte)

PANT. Pustu parlar per l’ultima volta. No posso soffrir sta zente, che vol intrar dove che no ghe tocca. Me despiase anca mi de sior Florindo, ma no so cossa farghe, no ghe vedo remedio, e no gh’ho coraggio de dirghe a sto povero putto, che Rosaura xe dada via.