SCENA QUARTA

Brighella solo, che esce dalla casa di Rosaura

BRIGH. Oh son qua, sior Fiorindo, sior Florindo. Oh bella! Dov’elo andà? El s’ha stuffà e l’è andà via. Che el sia andà a zogar? No credo mai. El gh’ha tanta premura per la siora Rosaura, e po senza aspettarme el va via? Qualche cossa de grando bisogna che sia successo; mi no so dove andarlo a cercar, adesso in casa no gh’è nissun, l’occasion no podeva esser meio per abboccarse colla siora Rosaura. La lo aspetta lu, la me aspetta mi; bisogna che vada per civiltà a dirghe che nol gh’è più. Vardè, tanta premura de intrar in casa, e po el va via. Pazienza! Tornerò mi un’altra volta. (parte)