SCENA QUINTA

Florindo e Brighella

FLOR. Ma dov’è il signor Pantalone?

BRIGH. Sior Pantalon no gh’è più, l’è andà via.

FLOR. E la signora Rosaura?

BRIGH. L’è ancora serrada in quella camera.

FLOR. Vado via, non ho cuor di vederla.

BRIGH. Ma perché ghe vòlela usar sto atto de crudeltà?

FLOR. Senza la pioggia di diamanti, non so come presentarmi.

BRIGH. No diselo che la ghe l’ha dada co le so man?

FLOR. Sì, è vero, ma sono in impegno di restituirla.

BRIGH. Cossa vólela far? Qua no gh’è remedio. Bisogna dirghe la verità e domandarghe scusa.

FLOR. Ah, non vorrei che ella sapesse la cosa com’è.

BRIGH. A st’ora za la sa tutto: da quella camera l’ha sentido tutto, e sa el cielo cossa averà fatto el dolor in quella povera innamorada.

FLOR. Oh cielo! Presto, aprite quella camera. Voglio gettarmi a’ suoi piedi, le voglio chieder perdono.

BRIGH. La diga, ala perso tutti i zecchini?

FLOR. Sì, tutti; non me ne restano che otto soli.

BRIGH. E i me diese che ho speso in tel disnar?

FLOR. Non mi tormentate.

BRIGH. Me par che el tormento sia mio, se li ho da perder cussì miseramente.

FLOR. Ah maledetto giuoco!

BRIGH. (Lu l’è desperà, e mi ho da perder diese zecchini). (da sé)

FLOR. Via, aprite quella stanza, non tormentate più quella povera ragazza.

BRIGH. La se ferma qua. La farò vegnir fora; là drento no voggio che se ghe vada.

FLOR. Farò come volete.

BRIGH. (No vorria che la desperazion ghe fasse far qualche sproposito colla morosa). (da sé, va ad aprire la camera)

FLOR. Come sosterrò io la presenza di una donzella giustamente irritata? Quali addurrò discolpe delle mie menzogne, delle mie infedeltà?

BRIGH. Siora Rosaura, la favorissa, la vegna fora.