MIRM.

Son tanto de natura tenerina,

Che sto Turco meschin me fa peccà.

Se mi podesse far tutti contenti,

No ghe saria nissun desconsolà.

MAIM.

Uhì, star ti Mirmicàina?

MIRM.

Patron sì.

Quella giusto son mi.

MAIM.

E ti pretender deventar sultana?

MAIM.

Sior sì, l'ala savesto?

Son quella, patron sì.

MIRM.

Tiò, chiapar questo.

MIRM.

Ghe son molto obligada,

Accetto per finezza

Questa soa petizada.

MAIM.

Star matta se creder

Sultana deventar.

MIRM.

Come! me l'ha promesso Albumazar.

MAIM.

Questo star un inganno.

Ti no lo cognoscér;

Finger con quella e questa,

E po a tutte colù far taggiar testa.

MIRM.

Cazza dall'acqua! a tutte taggiar testa?

Che brustega xe questa?

Mi però no lo credo:

El m'à dito ch'al tempio

Vaga, che saverò la sorte mia.

MAIM.

Al tempio? No ghe star tempio in Turchia.

MIRM.

E via, sior mustachiera,

Che no ve credo un bezzo.

MAIM.

Albumazar star quello che t'inganna;

Se no creder a mi,

Presto ti vederà se star così.

El traditor simioto

Saltar, parer che rida,

Ma se patron se fida,

Mostrar i denti,

L'ongie menar.

Donca creder a mi,

Che te farà così

Ancora Albumazar. (parte)