ALB.

Mo cara donna Bianca, ghe l'ho pur dito avanti,

El Conte no vol smorfie, el Conte no vol pianti.

La me dise, Signor, non piango, vel prometto;

E po ghe vedo sempre ai occhi el fazzoletto.

BIA.

Se foste nel mio caso! Basta, mi sforzerò.

Ma il Conte non si vede? Dove sarà?

ALB.

Nol so.

(El sarà a far el matto, sto sior senza giudizio).

BIA.

Eh, questo suo ritardo è un bruttissimo indizio.

Voi con belle parole badate a speranzarmi,

Ma il cuor mi fa temere, né il cuor suol ingannarmi.

ALB.

Mo za, vualtre donne gh'avè sta fantasia,

Che el cuor ve diga tutto: oh che malinconia!

Voleu che mi ve spiega cossa che xe sto cuor,

Che dise e che desdise, segondo el vostro umor?

In ogni dubbio evento se sente per natura

Un poco de speranza, un poco de paura.

Co vien la bona nova d'una felicità,

Se dise per usanza, el cuor l'ha indovinà.

Co vien la nova trista, oimè, mortificada,

Se dise, ah che el mio cuor me l'ha pronosticada.

Onde succeda pur quello che el ciel destina,

El cuor l'ha sempre dito, e sempre el l'indovina.

BIA.

Un segno è il non vederlo, che meco ha dello sdegno.

ALB.

Quando ch'el vegnirà, sarà finio sto sdegno.

BIA.

Vedrete, che in tutt'oggi il Conte non verrà.

ALB.

Via, cossa vederoggio? La toga; eccolo qua. (osservando fra le scene)

BIA.

Oimè! nel rivederlo... (si pone il fazzoletto agli occhi)

ALB.

Oh, la me fa un despetto!

Vorla zogar... debotto ghe sbrego el fazzoletto...

BIA.

Non piangerò, vel giuro, vo' soddisfarlo in questo:

Non abbia di sdegnarsi sì debole pretesto.

Farò quanto potrò, per vincere un ingrato.

ALB.

(Poverazza! Se vede, che la gh'ha el cuor ben fato).