SCENA SECONDA

Brighella ed i soldati.

L'è un capo d'opera sto sior Orazio; ma gnanca mi, sia dito a mio onor e gloria, non son de manco de lu. Fazzo un pochetto el gonzo per scoverzer terren, ma so far la mia parte, e m'inzegnerò de farla. Com'ela, amici? Come stemio de petitosa? (verso i soldati) Aspettè, che vói che femo un poco de esercizio, ma no miga col schioppo, colla forchetta da una banda, col bicchier dall'altra: presentè vous armes, e voi altri. Ah! Crich! (fa il cenno di mangiare e dì bevere, poi s'accosta all'osteria) Odell'osteria! Patron, camerieri, gh'è nissun?