IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
I link alle concordanze si evidenziano comunque al passaggio
Traccagnino e detto.
PANT. Cossa gh'è? Cossa vustu? Perché vienstu senza dir gnente? (nasconde l'oro)
TRACC. Oh, gh'è delle novità, signor.
TRACC. Cossa che la fazza mi nol so.
TRACC. Perché l'era serrada in camera.
TRACC. Colla serva e con el servo.
PANT. Come? Un omo in camera de mia muggier?
TRACC. Alla voze el m'ha parso un omo sigura.
PANT. Ah desgraziada! presto: l'astu cognossù alla ose?
TRACC. Sior no, perché i parlava pian.
PANT. Furbazzi! el mio onor; el mio pan: mi spendo, e i altri gode. (va ponendo i denari in borsa) Allocco, no ti ha inteso gnente, gnente?
TRACC. Non ho sentido altro che una parola sola.
TRACC. Ho sentido la padrona a dir: vogliatemi bene.
PANT. Vogliatemi bene? La mazzerò... Ma la Giustizia? La ripudierò: ah, ste lite le costa troppo! La bastonerò, la farò star in letto. Presto, la voggio trovar sul fatto. Ma no vorave entrar in qualche brutto impegno. No so chi diavolo possa esser colù. Traccagnin, presto, torna alla camera de mia muggier, procura de sentir; varda, séntime ben, varda una quarta in circa de sotto alla serraura, ti troverà un buso, e per de là ti vederà pulito.
TRACC. Come savè che ghe sia sto buso? Mi no l'ho visto.
PANT. El ghe xe; l'ho fatto mi. Va subito, che te aspetto.
TRACC. Vado. (Vardè, se l'è maledetto: el va a far un buso in te la porta, per spiar i fatti de so muier; e sì, el pol far quel che el vol, che se la muier ghe n'ha voia, no serve né busi, né cadenazzi). (da sé, parte)