SCENA DODICESIMA

Pantalone, poi Traccagnino che torna.

PANT. Caspita, el xe lesto sior ganimede! Sta civiltà no la me piase. E pur sarave ben che sentisse un poco cossa che el sa dir, e che scovrisse terren.

TRACC. El dis cussì el sior don Luigi, che vussoria s'accomoda, se l'ha da far; che intanto l'anderà a dar el bon zorno alla patrona.

PANT. No, no, dighe che nol s'incomoda. Più tosto, che el vegna da mi se el vol... Aspetta, debotto ho finio. Anca questa xé fatta. Presto, falo vegnir. (ripone la cioccolata)