IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
I link alle concordanze si evidenziano comunque al passaggio
Costanza, poi Dorotea e Servitore
Cossa vorala mai? no ghe la so trovar. Sentiremo. La voggio dolcemente trattar. Chi sa che no scoverza qualcossa de recente, E se pol anca dar che no sia vero gnente. |
|
(Troverò un'invenzion). (Da sé.) La dirà che m'ho tolto un ardir troppo grando; Se vegno a incomodarla, scusa mi ghe domando. In sti pochi de zorni che son vegnua a star qua, No cognosso nissun, nissuna ho praticà. Subito la m'ha piasso, co l'ho vista al balcon. Sì dasseno. |
|
Sta volta son vegnua, perché ho bisogno d'ela. Gh'ho quella mia massera, che xe una frasconzela. La voggio licenziar, la voggio mandar via, No ghe ne togo più, se no so chi le sia. Xe vegnua a farse veder una che gh'ha del brio; Subito ho domandà dove che l'ha servio, |
|
Da mi! chi mai sarala? |
|
Una putta ben fatta. |
|
Oh, no me l'arecordo. |
|
O sì, Cattina. |
|
Sarà tre anni e più, |
|
Me par de sì! |
|
La diga, cara ela, chi gh'avevela in casa Avanti de sta vecchia? |
|
Mi ghe conterò tutto, con patto che la tasa: Ogni dì se vedeva dei omeni per casa; Chi giera so fradello, chi giera so zerman. El vin feniva presto, presto feniva el pan. Ho scomenzà a serrar. Sala cossa la fava? La me metteva l'acqua e el vin la me cavava. |
|
Compagna de una mia che giera longa un deo, E me svodava infina la bozza dell'aseo. |
|
Eh! questo no xe gnente. No credo che se daga Un'altra come quella. Sentì se la xe vaga. Co la mandava in tola, de quel che se magnava, A pizzego magnifico de tutto la robava. |
|
La mia fava cussì: co gerimo a dormir, In cusina la zente la se fava vegnir. L'ho chiappada una sera sul fatto. L'indivina? I giera quattro intorno a una gran polentina. |
|
Giusto come la mia. Quando l'ho licenziada, gh'ho visità la cassa, |
|
E mi mo, che alla mia, quando gh'ho vardà drento, Gh'ho trovà in te la cassa un cortello d'arzento? |
|
Siora, co ste massere no se sa quala far; |
|
Se sentissi la mia come che la responde. E colle man in fianco, e con tanto de bocca: E no vôi che i me diga, e no vôi che i me tocca; |
|
Ghe dago da magnar quello che magno mi. Certo che no se sguazza, ma le gh'ha el so bisogno. Perché... se la savesse... za mi no me vergogno, |
|
Dei dì, se la savesse? pianzerave. |
|
Perché? |
|
La senta, za che vedo che la gh'ha sta bontà De confidarse in mi, parlo con libertà: |
|
Cara siora Costanza, vedo che la xe amiga. Certo, la prima volta che la me vede qua, Pregarla... darghe incomodo... la xe temerità. |
|
Far assae mi no posso. Gh'ho qualcossa del mio; |
|
No so. |
|
Per pochissimi bezzi. |
|
Eh, che l'ho cognossù. |
|
Eh, che me fazzo maraveggia de vu. |
|
Vegnirmelo a mostrar, o xela un'insolenza? |
|
L'ho comprà. |
|
Dèmelo qua. |
|
Come! anca de queste? |
|
Tre zecchini gh'ho dà. L'ho tolto stamattina; |
|
No vôi altro. |
|
Sentì, siora Costanza. Qua semo tra de nu. Compatì, cara vecchia, se ve dago del vu. Sull'onor mio ve zuro: sto anello l'ho comprà. |
|
Ben ben. |
|
No so. Mi l'ho comprà, ve digo; e po, per dirve, tutto, Ho perso tutti i bezzi stamattina a Redutto. E per questo voleva... |
|
Oh, questo po no. |
|
Se parlerà su questo. |
|
(Par, da quel che la dise, che no ghe sia malizia). (Da sé.) |
|
Quando me lo dareu? |
|
Dè qua. |
|
Servive, e compatime della mala creanza. Se ho fallà, se ho eccedesto, domando perdonanza. Compatì una muggier che vive suspirando. |
|
Perso fora de deo che l'abbia sior Raimondo? Chi sa? se ne dà tante combinazion al mondo. L'anello xe passà per man de una massera; La patrona lo compra, no la sa de chi el giera. |