|
Le m'ha lassà
qua sola, co fa una mamalucca.
|
|
No songio mi
con vu?
|
|
Che stropolo de zucca!
|
|
Vardè che bel
suggetto! Ve liccaressi i dei.
|
|
No son un bel
soggetto; ma no voggio putei.
|
|
Putelo come son, son ben visto da tante.
Me despiase
dasseno, che no ghe sia el Zigante.
|
|
Povero sporco!
|
|
Via, che
bisogno ghe xe?
Son zovene
capace de pagarve el caffè.
|
|
Xe un'ora che sè qua, e aspettè adesso a
dirlo?
Beverlo se
podeva e anca digerirlo.
|
|
Vardava se i vegniva. Oe, caffè, una fugazza.
Lassè che varda
prima, se gh'ho bezzi che fazza.
|
|
Oh che caro minchion! la sarave, ben
bella,
Che in maschera
vegnissi senza bezzi in scarsella!
|
|
Basteralo un
daotto?
|
|
Eh! no i fa, no, no i fa.
|
|
Donca li metto
via.
|
|
Lassè véder. Dè qua.
|
|
Contèli, se i
xe giusti.
|
|
Li togo per
contai.
Questi li metto
via, per tanti sparagnai.
|
|
Dèmeli, siora.
|
|
Oh caro! No i
spendevi per mi?
Me li ho messi
in scarsella. Gh'ho più gusto cussì.
|
|
Che drettona
che sè!
|
|
Li voleu? aspetteli.
|
|
Co se tratta de
bezzi, ve piase anca i puteli.
|
|
Eh via, che no
ve bado.
|
|
El mio daotto, siora.
|
|
Oh, vien sior
Anzoletto. I altri no i vien gnancora?
|