TON.

No no, lassème star.

AND.

La senta una parola.

TON.

Se mio mario no vien, voggio andar via mi sola.

AND.

Mo cossa mai xe stà?

TON.

L'ho visto coi mi ochi.

A quela Zuecchina l'ha urtà in ti zenochi.

E nol l'ha fato in falo. Sto mato senza inzegno

Per balar co sta frasca el gh'averà dà un segno.

AND.

Cara siora Tonina, non abiè zelusia,

Za savè che la festa xe deboto fenia.

Anderemo a Venezia. Quel che xe stà, xe stà.

Ma partimo d'acordo in pase e carità.