SCENA OTTAVA

Pantalone e Rosaura

PANT. Diseme, cara siora Rosaura, aveu più gusto a star sola, o a star in compagnia?

ROS. Oh, io sto più volentieri in compagnia.

PANT. Se ve mettesse in un liogo13, dove ghe xe delle altre putte, anderessi volentiera?

ROS. Sì, signore, volentierissima.

PANT. Se zoga14, se se diverte.

ROS. Oh! giuocherò, mi divertirò.

PANT. Ma alle so ore se lezze, se laora, se fa del ben.

ROS. Lavorerò, leggerò, farò del bene.

PANT. No ve mancherà el vostro bisogno.

ROS. Benissimo.

PANT. I ve vorrà ben, i ve farà mille finezze.

ROS. Davvero?

PANT. Sì, cara fia, gh’andereu volentiera?

ROS. Volentierissima.

PANT. (La xe una pasta de marzapan). (da sé) No ve despiaserà andar via de casa vostra?

ROS. Oh, signor no.

PANT. Ve rincresserà lassar vostra siora mare?

ROS. Un poco.

PANT. La ve vegnirà a trovar; la vederè.

ROS. Sì? Avrò piacere.

PANT. Vegnirò a trovarve anca mi.

ROS. Avrò piacere.

PANT. Vegnirà a trovarve le vostre amighe.

ROS. Verrà anche il signor Florindo?

PANT. Sior Florindo? Cossa gh’intra sior Florindo?

ROS. Dicevo... perché viene qui.

PANT. Omeni no ghe n’ha da vegnir.

ROS. Oh! non importa. Mi divertirò colle donne.

PANT. Che premura gh’aveu de sto sior Florindo?

ROS. Niente.

PANT. (No la vorave metter in malizia). (da sé) Le putte sta colle putte, e i omeni coi omeni.

ROS. La signora madre sta sempre cogli uomini, e mai colle donne.

PANT. (Ecco qua, le fie tol suso quel che ghe insegna la mare)15. (da sé) Se vostra siora mare tratta coi omeni, la xe stada maridada, e la lo pol far.

ROS. Oh! è vero, è vero. Io starò colle ragazze.

PANT. Oh! sto caro sior Ottavio no se vede.