TOM.

Cossa xe sto negozio? la testa ghe vacila?

Ho paura che l'abbia dà volta alla barila.

Prima el giera un sospetto ch'el fusse innamorà,

Adesso de seguro el se vede, el se sa.

Amor fa de ste cosse, amor xe un baroncello,

Che ai omeni più grandi fa perder el cervello;

Ma mi no gh'ho paura de dar in frenesia,

Tre zorni innamorà no son stà in vita mia.

Me piase devertirme; me piase el vezzo, el ghigno:

Ma quando le se tacca, le impianto, e me la sbigno.