TOM.

Chiaccole senza sugo. Sto sior voggio sfidarlo.

E col Tasso alla man, in sacco vôi cazzarlo.

Ghe spiegherò dell'opera tutta l'allegoria,

Ghe proverò i precetti dell'epica poesia,

La favola, l'istoria, l'intreccio, i episodi,

L'espression, i argomenti, e le figure, e i modi;

Con un bon Venezian sto sior che nol se meta,

El resterà in vergogna, ghe dirò col poeta:

Renditi vinto, e per tua gloria basti,

Che dir potrai che contro me pugnasti. (parte.)