ATTO SECONDO

SCENA PRIMA

Camera della marchesa Beatrice.

Arlecchino

ARL. Son curios de saver cossa diavol aveva sta notte la me padrona. La trava sospiri, che la pareva un mantese. Mi no cred che l’abbia mai dormido, perché me son sveià tre volte, e sempre l’ho sentida a smaniar. La s’è levada dal letto verde come un cogumero, ma da qua una mezz’oretta la vegnirà fora del camerin bianca e rossa come una rosa.