SCENA QUINTA

Pantalone e Graziosa

PANT. Cossa fala in piè?

GRAZ. Nol so.

PANT. Xela stracca?

GRAZ. Gnor no.

PANT. No la sa dir altro che gnor sì e gnor no?

GRAZ. Gnor sì.

PANT. Via donca, che la diga qualcossa de bello.

GRAZ. Gnor sì.

PANT. Vorla che la vegna trovar a casa?

GRAZ. Gnor no.

PANT. No la gh'ha reloggio?

GRAZ. Gnor no.

PANT. Toravela questo, se ghe lo dasse? (le mostra il suo orologio)

GRAZ. Gnor sì. (con allegria)

PANT. Gnor no. (mette via l'orologio)

GRAZ. (Piange.)

PANT. La pianze? Per cossa pianzela?

GRAZ. Nol so. (piangendo)

PANT. Voravela sto reloggio?

GRAZ. Gnor sì.

PANT. Se ghelo darò, me vorala ben?

GRAZ. Gnor no.

PANT. Mo sarave ben minchion, se ghe lo dasse.