Scena Terza. Un Portalettere e detto

POR. Sior Pantalon, una lettera. Trenta soldi.7

PAN. Da dove?

POR. La vien dalla posta de Roma.

PAN. La sarà da Napoli. Tolè trenta soldi. La xè molto grossa!

POR. La me favorissa. Un tal Lelio Bisognosi chi xelo?

PAN. Mio fio.

POR. Da quando in qua?

PAN. El xè vegnù da Napoli.

POR. Gh'ho una lettera anca per elo.

PAN. Demela a mi, che son so pare.

POR. La toga. Sette soldi.

PAN. Tolè, sette soldi.

POR. Strissima.8 (parte)