SCENA SESTA

Pantalone e dette.

PANT. Coss'è sto strepito? Coss'è st'istoria?

COST. Sior Pantalon, la reverisso. (sdegnata)

PANT. Coss'è, patrona? Con chi la gh'ala? (a Costanza)

ISAB. Niente, niente. Si è alterata per una cosa da niente.

COST. Gnente la ghe dise? Mi ghe digo qualcossa, patrona.

PANT. Cossa xe stà? Cossa xe successo?

ISAB. (Usate prudenza, signora Costanza). (piano)

COST. Cossa vorla che usa prudenza? La doveva usar ela prudenza; e no far l'amor a Livorno con un forestier, e no darghe parola senza saputa de so sior padre.

PANT. Coss'è sto negozio?

ISAB. Mi maraviglio di voi...

COST. E mi me maraveggio de ela. Che le putte no le ha da far de ste cosse; e mi, co son stada putta, son stada sotto obbedienza, e m'ho maridà co mio padre ha volesto che me marida, e ho tiolto quel mario che el m'ha dà. E adesso son vedua, e sior Ridolfo Gnignizoccoli, Cicciabroccoli, el xe in casa mia, el m'ha dà parola a mi, e el me sposerà mi. Patrona riverita. (Tiò suso). (parte)