SCENA VENTESIMA

Costanza e detti.

COST. Me consolo anca mi. Magari anca mi: ancuo ela, e doman mi.

ISAB. Grazie, signora Costanza. Prego il cielo che voi pure siate contenta.

COST. Me rallegro del bel novizzo. Altro che sior Ridolfo! L'ha fatto ben a andar via, e de portar la spuzza lontan de qua.

PANT. Xelo andà via sior Ridolfo? (a Costanza)

COST. Sior sì, el xe andà in tanta malora.

PANT. (Adesso capisso la rassegnazion de mia fia).