IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
ATTO TERZO
SCENA QUATTORDICESIMA Lucietta in maschera, col volto sul cappello, e con la bautta mal messa; Riosa e detti.
I link alle concordanze si evidenziano comunque al passaggio
Lucietta in maschera, col volto sul cappello, e con la bautta mal messa; Riosa e detti.
RIO. La varda, ghe xe qua sta signora in maschera... (introducendola)
ZAN. (Corre a prender Lucietta) Le me permetta che abbia l'onor de presentarghe...
LISS. La so signora consorte. (a Zanetto, ridendo)
ZAN. No... (si guarda intorno se vede Cecilia o altri) La massèra de siora Cecilia. (sottovoce. Gasparo e Tonina non possono lasciar di ridere)
LISS. Cossa gh'oio ditto? (a Gasparo e Tonina)
RIO. (Siestu maledìa! Varè che sporca? E mi ancora gh'ho fatto tante cerimonie!)
LUC. No la ghe xe la patrona? (a Zanetto)
ZAN. Via, fe el vostro debito, e ringrazieli. (a Lucietta)
LUC. Patroni. (fa una riverenza sgarbata) Grazie tanto. No avemio disnà qua stamattina? (a Zanetto)
RIO. (La vegna, lustrissima, la vegna in cusina che ghe faremo una polentina). (si ritira un poco per rispetto dei patroni)
ZAN. Me perméttela? (a Tonina)
TON. Via, per un minuetto la se comoda.
ZAN. Sonadori, sonémelo bello e longo. Favorissela? (a Tonina)
TON. No dasseno, mi no ballo. Perché no bàllelo co la so mascara?
ZAN. La gh'ha rason. Son qua; ànemo, un menuetto gaggiardo. (a Lucietta)
TON. Via, da brava. (a Lucietta)
LISS. Feve coraggio. (a Lucietta)
LUC. Farò quel poco che so. (Finito il minuetto, tutti applaudiscono. Zanetto si pavoneggia)
LISS. Anemo, una furlana. (prende Lucietta. Sonatori suonano, Lissandro e Lucietta ballano la furlana)