IntraText Indice: Generale - Opera | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
I link alle concordanze si evidenziano comunque al passaggio
GIAC. La toga; dove vorla andar, siora madre? (le dà vesta e zendale)
BARB. Gnente, gnente, aspettème, che adesso vegno. (vestendosi)
BARB. Vago da sior'Agnese, e torno. I xe quattro passi.
GIAC. No ghe xe gnanca Margarita. La xe andada dal marzer.
BARB. Ve lasso sior Lunardo; fin che vegno, el ve farà compagnia, nevvero? (a Lunardo, vestendosi)
LUN. Co se trata de servirla...
GIAC. Eh no no, se el vol andar, che el vaga, mi no gh'ho paura.
LUN. Eh no, fia, le pute in casa no le sta ben sole. Starò mi, starò mi.
BARB. Con so bona grazia, sior compare; la me aspetta, che adesso torno. Vardè sto zendà; come xélo? No so gnanca quel che fazza, né quel che diga. Son fora de mi. Prego el cielo che me tegna le man. (parte)