Scena ottava

Ludro e detti.

ludro Patroni, patroni riveriti... Mo che bela compagnia!... Sior Fabrizio!... Cavalier degnissimo! (Salutando l'uno e l'altro e traendo la tabacchiera) Posso servirle? Una presa de fresco... Santa Giustina perfeto...

fabrizio Grazie, grazie.

gherardo (sorpreso della franchezza di Ludro) (Dopo tutto quello che gli ho detto!...) Ecco, ecco, signor Fabrizio, il torcimanno degli amori fra Lodovico e vostra figlia.

fabrizio Lui?

ludro Torcimanno? torcimanno no veramente. Perché stando a streto rigor de termine la xe una profession che gnancora no gh'ho esercità. Oh, se la dirà po confidente, segretario, questo xe un altro afar: ma el xe sempre un scalin piú basso.

fabrizio E quando n'eravate a parte, quando lo sapevate, perché non me lo avete detto?

ludro Perché giusto ela no lo gh'aveva da saver. E po la sa che i segretari no parla, specialmente se no se ghe onze la man.

gherardo Chi sa quanti denari avrete estorto a mio figlio.

ludro Gnanca un cafè. Sti afari o no li fazzo, o li fazzo sempre gratis. A sò fiol gh'ho fato qualche volta imprestar dei bezzi, e da persona ben nata, da galantomo come che el xe a tutte le scadenze el gh'ha sempre puntualmente pagà.

gherardo Vi sarete ricattato su i frutti, sulle usure le piú indegne...

ludro L'aviso che la perde el fià, perché sto muso no deventa miga rosso, sala.

fabrizio Ma da me avete ricevuto qualche beneficio, e dovevate per riconoscenza...

ludro Qua no la dise mal: ma gh'ho falà per ignoranza. Tuti do zoveni, tuti do liberi, tuti do de bona famegia... Gh'ho visto anca mi che uno gi era conte e l'altra citadina... Ma la citadina gi era rica, el conte un poco ristreto...

gherardo Impertinente!

ludro No la se inquieta, la me lassa dir la verità. La digo tanto de raro, che quando che la digo sarave un pecà serarmela in boca.

gherardo Io non ho bisogno del denaro altrui.

ludro Siela benedeta! Cussí no posso dir mi, che gh'ho bisogno de tuti.

fabrizio Mia figlia deve sposare un suo pari.

ludro Bravo, sior Fabrizio: bezzi ciama bezzi in casa.

gherardo (risentito) Vale a dire?

ludro Gnente: el xe un proverbio venezian. - Mi no so che raza de omo che el sia, el se scalda de tuto!

gherardo Mio figlio è partito e non oserà per ora di piú ritornare in Venezia.

LUDRO La gh'ha fato benissimo a mandarlo via. Anca mi gh'aveva sugerido l'istessa cossa...