ATTO QUARTO

Scena prima

Ruzante e Gismondo, poi Ginevra e Ghitta

RUZANTE El dise che l'è d'oltra el mare, d'una tera che ha lome a muò ste imagine che se depenze su le carte e se ten apichè a i muri.

GISMONDO Statue? Deve esser Capua.

RUZANTE No, cancaro, statole! De quele che porta qui che ven da Loreto, el se ven an de lí via... De queste che se avre e che se sera... Quando un vol biastemare, i dise «Te me farè catar l'anconeta»... De Anconeta.

GISMONDO De Ancona, deve esser.

RUZANTE Sí, sí, sí, l'è ela. Ma ben, l'è de là, elo.

GISMONDO Oh, quanto me incresse aver lassiate la madonna tua! Io li avea posto già lo magior amore del mondo. Ma dimi, ove abiam noi a trovare questo gentiluomo di Ancona?

RUZANTE Chialò denanzo. O, se a' no 'l caterón, andarón a l'ostaria, ché 'l sta là, elo. Cancaro, l'è un om da be, viu. El me ha voiú menar, ch'a' disenesse con elo, el me ha [a]n promesso de donarme dinari, se fasea che 'l ve favelesse.

GISMONDO [pensieroso] De Ancona? Chi puote esser costui? Se egli fusse femina, io mi dubiterei che egli fusse in quel medesimo eror che pocco dinanzi era la patrona tua. Ma, essendo uomo, e di Ancona, esser potrà che averà tolto un per l'altro.

RUZANTE In falo? No, cancaro, el me ha pur dè i contrasigni tuti, a comuò sii fato. Io no pò star ch'i no sponte. [Entrano in quella Ginevra e Ghitta] . Vîgi, vîgi, gi è quisti. [Si avvicina a Ginevra e le parla, mentre Gismondo Isotta resta in disparte] Ve 'l dissi ch'a' ve 'l menerave? La mia parona no vol dinari, la gh'ha dò libertè che 'l vaga on' el vò elo. Andè mo in bonora tuti. Mi a' he priessia, a' no vuò pí star co vu, a' vuò andare. S'a' me volí dar gnente, déme. [Stende la mano].

GINEVRA Alla tua patrona e a te sarò sempre obrigato. Ma dove vòi gire? Non vòi venire a l'albergo, e dicinerai con noi?

RUZANTE Missier no, missier no, a' he priessia.

GINEVRA [offrendogli una piccola borsa di denaro] Se remaner non vòi, piglia adonque questi, e te ne farai un giupone e un paio di calce, e quelle per amor mio porterai.

RUZANTE [intascandola] A' i torè, e sí a' me le farè an a la divisa, le calçe. Moa, stè con Dio. Co' a' vegne a Loreto, a' ve vegnerè be, a catare. [Allontanandosi, passa vicino a Gismondo, che lo interroga].

GISMONDO Tu te ne vai, Rugiante?

RUZANTE Mo sí, mi, a' vago.

GISMONDO Saluterai el patron per parte mia.

RUZANTE Moa, moa, sí, sí. [A parte] A' me vuò snetare presto, inanzo che i se acorza che le supia femene tute do. A' n'he fato un sciapeto de do vache, e tre con la massara; a' no sè mo chi sarà el toro. [Esce].