Scena seconda

Ruzante e Menato, poi Bessa

[Ruzante e Menato entrano in scena e cantano una

mattinata sotto la casa di madonna Doralice. Finito il

canto, Ruzante dice]

RUZANTE Caro frelo, cantóne un'altra; e nu du cantó[n]la in quatro. Mi solo a' canterè ben in du aldi [gorgheggia]

«E de la mala morte»...

Vitu, co' 'l grosso tase, el sotil canta, e co' 'l sotil tase, el grosso canta.

MENATO Al sangue del cancaro, l'è ben bela, chi poesse fare an che una vaca tiresse per do, e du pan fesse per quatro.

RUZANTE Per magnare, a' magnera' ben per du, e per cantare. Mo per laorare, a' laoro lomé per mezo un. Moa, scomenza.

MENATO A' te dighe ch'a' he priessia, che a' he Menago Trelesato che me aspieta. A' irò fuora de la porta. Là gheme anare, t'he bon cantare, zà che la te va da canto.

RUZANTE Di' lomé questa, una bota, caro frelo.

MENATO A' dirè per farte cossa a piasere, co' disse quelú. Mo, a la fe', a' he priessia.

RUZANTE Poh, va' al bordelo! Te sè pru se an mi, con disse quelú... [Si accordano e cantano]

MENATO Moa, a' vuò mo andare. Portate da perd'omo. La te buta ben, a ti, e sí te va da canto, che te magni co' fa i cavagi d'i tiraore, col cao in lo saco.

RUZANTE Puoh, che vuotu ch'a' faghe? A' stago co sto zentiluomo vegio, e sí a' magno. L'è inamorò, elo, e mi a' ghe porto i messiti. El no sa che farme, sempre mé «Ruzante, magna, magna». E mi a' magno. «Ruzante, bivi». E mi a' bevo. «Ruzante, merenda, fa' colazion». E mi a' la fago. Puh sí! E po madona ha tanto piasere del me cantare, che no besogna dire, Mare Biata!...

MENATO Mo la de' essere inamorà an ela, n'è vero?

RUZANTE Pensate! Mato el can, mato el buò, mato colú che 'l para. El se favela lomé de amore, in quela ca', e massare e madona, tuti a scazafasso, fina le banche, i scagni, le casse sente d'amore. El no gh'è buso, in ca', né ordegno, che no sapie d'amore.

MENATO Mo a' no di' star lomé in veragaia tuti, vu.

RUZANTE No favelar de piasere, el no se sente lomé cantar, per quela ca'. Mo laga, s'te saíssi la pí gran noela... Oh, s'te n'aíssi priessia, a' te fara' pur rire.

MENATO Te me la dirè po un'altra fià. A' vuò andar, roman ti. [Esce].

RUZANTE Mo va' in susio, s'te vuò ch'a' romagna mi. [A Bessa, che è apparsa alla finestra] A' v'he ben vezú zà un pezato, mo perché el no se n'adesse, no ve guardava. Aón cantò pre vu, vi'.

BESSA A' sè che a' la smenuzolè, mi. Vergene Mare Biata, che avíu in quela lengua?

RUZANTE Ma sí, el no me sa gnian ben aiare. Se aesse chi me aiasse, a' fara' ben de belo. Ve sè dir che 'l no fo mé zarambela che sonesse miegio de quel che a' fassàn nu. Vegni, avri, che a' he i dinari. [Le fa cenno di scendere ad aprire e, mentre attende, muove qualche passo di danza] To, torindon, dorindon, dorin... [Bessa apre la porta e lo fa entrare].