Scena terza

Sier Tomao solo

SIER TOMAO [esce di casa] E' son in gran fastidio, che no me so pensar che scusa catar con sta mia moier, se per ventura ancúo me convegnerà andar in vila con madona Doraliçe. Tamen el me sbate el cuor; no so co' farà Ruzante, se 'l ghe sarà ordene, sta sera. E' voio tornar a casa, per spassar tempo fina che 'l vien Ruzante. Dio el voia che sta bestia de mia moier sia contenta che vada. [Rientra].