Scena quinta. Salvini e Bonifacio

SALVINI
(Non vi è il Colonnello!
egli si aggirerà qui d'intorno:
ah perché ancora la sorte non
mi presenta sola Nelly! ).

BONIFACIO
(Songh'io, o non songh'io? l'urzo tene
la faccia cchiù umana de lo soleto?
che novità! o ha da Comparì quacche
cometa, o s'ha da scetare na gran
tempesta de cielo, e de mare!).

SALVINI
Bonifacio!

BONIFACIO
Avite visto Milord?

SALVINI
Sì, e mi ha parlato.

BONIFACIO
(Sta manza la bestia!) e buie porzì
avite parlato a isso?

SALVINI
Sì...

BONIFACIO
Da ommo già, non da animale feroce?

SALVINI
Cioè?

BONIFACIO
Vi site cosuta la vacca pè chillo fattifesta?

SALVINI
Mi sono anzi spiegato... egli mi ha
capito abbastanza.

BONIFACIO
Cossaiute! e camminate ancora
co li piede vuoste? e Milord nun v'ha
mannato ancora dinto a no carruocciolo
a farve curà le braccia e le gamme rotte?

SALVINI
Milord? t'inganni... anzi egli... sì...
l'amico verace, l'uomo virtuoso mi renderà
fra poco felice (vile! lo sarò malgrado
il tuo tristo disegno!).

BONIFACIO
Felice? e comme? levannote le
chianearelle lesionate da la capo, e mettennoce le sane?

SALVINI
Eh! tu deliri!

BONIFACIO
Ma isso ha saputo, ca tu lo vuò fa sta diuno,
o magnà de scammera, e tu solo vuò fa
Giovedì morzillo?

SALVINI
Che intendi?

BONIFACIO
Ca le vuò levà la porpetta de la vocca?
manco capisce? ca vuò bene a Nelly?

SALVINI
Mi pare...

BONIFACIO
E ha ditto de sì?

SALVINI
Lo spero...

BONIFACIO
Te la darrà pè mogliera?

SALVINI
Chi sa!

BONIFACIO
E isso resta a monnà nespola?

SALVINI
Forse...

BONIFACIO
E parlamene senza chiummo, e
senza compasso! co ste parole spezzate
me stuzzeche l'appetito, e me faje restà
muorto de famma.

SALVINI
Lontano non è lo sviluppo...
un fulmine è vicino a scoppiare...
io sarò lieto... sarà infelice chi crede essere
avventurato... taci, attendi, e vedrai...
(Esce per un viale.
Bonifacio rimasto solo dopo
qualche intervallo dice:

BONIFACIO
Taci, attendi, e bedarraje?
Ora vi! lo caso è bello!
Sto mbrogliato ndoveniello
Annevina Bonifà?
Lo Milordo e lo pittore
Co Nelly vonno fa zeza...
O lo spartano pè meza,
O Milordo ha da caglià.
Mo sì, ciuccio... e pecché ciuccio?
Ciuccio e miezzo, e te lo provo...
Sarria chisto un caso nuovo...
Comme nuovo? e siente cca!
Io pè famme per esempio
Na sciammeria stento e sudo;
Doppo fatta, la dò a n'auto
Vesto a chillo, e io resto nudo?
Frate mio non pò quaglià!
Signorsì... non te lo nego,
Primma caritas ab ego:
Ma pè chesto l'amicizia...
Che amicizia, sti stivale!
Frate! Frate! aje perzo le cervella!
Addò c'entra la puella
Amicizia non ce sta,
no, no, no, no, no, no, no, no.
Embé chillo vide e tace:
Che bò maje significà?
Io m'arrangio! n'aggio pace
Pè la gran curiosità!
Che Milordo l'accordasse
La futura doppo muorto?
Non può essere... che dice?
La volessero da amice
Fra di loro combinà?
Peggio assai!
Peggio assai!
vi la mmalora!
Me scervello cca da n'ora
Senza niente annevenà.
Vada a cancaro Sarvino,
Lo Milordo, e la guagliona!
Non borria pè st'annevino
Porzì pazzo addeventà.
E chi corpa a sto malanno?
Chi? na femmena, se sa.
Causa sempre d'ogne affanno,
Che ce straccia, e ce tormenta,
Se ne perda la semmenta!...
Chià, chià, chià,
Non tanto Bonifà!
Tu faje tutta sta barrera,
Ma confessa pò nfra nuje,
Ca no muorzo de mogliera
Fa lo stommaco acconcià.