Ad Illustrissimum, & Reverendiss. D. D.

MARCUM CORNELIVM

Episcopum Patavinum

DE ALOYSII CORNELII LIBRO

De vita propaganda, moderate, et parce vivendo

Epigramma.

CORNELIORUM Regiae domus decus

Aloysius, vere aureo libro docet,

Qua prorogemus arte vitam hanc perbrevem;

Sitim levando parciter, parcè & famem.

At Marce tu, qui Presules intermicas

Munera qualis inter astra Cynthia,

Qua prorogemus arte vitam coelitum,

Dies beatos edoces; sed pauperum

Sitim levando largiter, largè & famem.

Vterque vitam scilicet producitis,

Discrimine sed hoc; tu facis, folum hic docet;

Tu permanentis, hic fugacis saeculi,

Tu largitate, hic parcitate prorogat.

Georgius Ianuarius