I me animai

Mi a go o bel cagneto

elo mai me fà on dispeto

e có elo el vol zugare

el se mete a sbaiare.

Mi a go on bel gatin

che ’l xe tanto birichin

e có el vole fare baghe

el se russa a le me braghe.

A go anca na galina

che on ovo ogni matina

col so grando sfadigare

ogni dì me fà catare.

A go anca o bel galeto

come chel de Giacometo,

elo sera, note e dì

el canta chirichichì.

A go anca on caval bianco

che ’l vol starme senpre a fianco,

e, sa ghe monto su la gropa,

lu felisse el galopa.

A go anca on somarelo

brao e belo pure elo,

ma el xe tanto inpertinente

e el trà calsi a la gente.

A go anca na tartaruga

che la par na panpaluga,

ma se la vede on grasso bao

la se lo magna par bussolao.

A go anca na lumega

che par tera se strapega

e, có la sente i me passiti,

la tira fora i so corniti.

A go anca on fringueleto

che come ogni oseleto

sarà sù drento la gabia

furse el canta pa’ la rabia.

A go anca on bel cavreto

che ’l serca on fradeleto

parché el vurìa rinforsare

i so corniti col zugare.

Có la note stà pa’ rivare

tuti se metemo a zugare,

a zughemo al girotondo

e cussì va vanti el mondo.

Roma, 6 gennaio 04