W el vin

W el vin,

sto fioldoncan,

che col so bon parfumin

el te inbriaga suca e man.

W el vin,

W Baco,

co dosento bicerin

te te senti alfin straco.

W Noè,

inventor del vin,

che co sol biceri tre

el ga messo tuto a puntin.

W la colonbeta,

che portando de ulivo

na sol rameta,

el mondo ga fato giulivo.

W l’ua bianca e la mora,

che mostà ne la tinossa,

i ànemi la ristora

gostàndote la gargarossa.

W el vin mosto,

W el vin invecià,

W el goto al so posto,

W la bossa inpienà.

W el vin moro,

W el vin bianco,

i xe on ristoro

che i te fà franco.

Scoltemo, inparemo, fasemo

chelo che i veci ne ga insegnà:

‘Gera scrito nel vangelo

parabon zibon  zibà

chi no beve no va in sielo

parabon zibon zibà

e diséa el padre eterno

chi no beve va a l’inferno

daghe da ber biondina, daghe da ber biondà’! 

(Nota. La parte in corsivo, va canterellata).