W la dòna

Chi la vole bionda

Chi la vole mora,

Chi la vole rissa

Chi la vole lissa,

Chi la vole calda

Chi la vole freda,

Chi la vole cota

Chi la vole crua,

Chi la vol puina

Chi la vol nervina,

Chi la vol aluna

Chi la vol maestra,

Chi la vol in carne

Chi la vol in linea,

Chi la vole aserba

Chi la vol maura,

Chi la vole stanga

Chi la vole nana,

Chi la vole Marta

Chi la vol Maria.

                   Màriavìrgola, che gatara!..

Par mi:

                   Se la fusse aqua

la vurìa de fonte,

Se la fusse vin

la vurìa de bóte,

Se la fusse pan

la vurìa de forno,

Se la fusse carne

la vurìa de vedela,

Se la fusse on bussolà

la vurìa ben sucarà,

Se la fusse bon spumante

la vurìa sul frissante,

Se la fusse fruta fresca

la vurìa chela de bosco,

Se la fusse na sugaman

la vurìa de lino puro,

Se la fusse on bel fior

la vurìa bociol de rosa,

Se la fusse sgnapa s-ceta

la vurìa chela de... sfroso!..

Roma, aprile 2000.