El bel dormir

Se a le quatro lasso el leto

mi me sento on poareto,

se a le sinque sona l’ora

la zornata va in malora.

Se me also a le sié

squasi squasi no stò in pié,

se a le sete dal leto smonto

mi me sento tuto tonto.

Se me also a le oto

mi me sento on signoroto,

se a le nove sona la sveja,

narà tuto a maraveja.

Se dormisse fin le diese

me sentirìa on gran marchese,

se a le òndese stò a dormir

no me par che sia morir.

Se dormisse fin mezodì

el sarìa on bel-bon dì,

ma se dormo fin el bòto

xe par mi ciapr al loto.

Fin le do go da sponsar

par da svejo laorar,

ma se dormo fin le tre

mi me sento on vèro re.

Xe le quatro l’ora justa

par sentirme sù de susta

e poder le or che resta

masenarle in granda festa.

Furse me tolì par mato,

ma lo só par gnente afato

e, laorando de fantasia,

spero che on zorno cussì la sia!

Roma, gennaio 04