El me gatelo

El me gatelo

el ga on sarvelo

de prima qualità,

na vèra rarità.

Lu el xe brao e galante,

lu zamè el fà el pedante,

e có el cata na gatela

el ghe basa la satela.

Se l’incontra on altro gato

no el fà tiri da mato,

ma co gran educassion

el lo lassa nel so canton.

Se ’l vede on osel volare

lu el lo vurìa brincare,

ma l’oselo tanto tento

el lo lassa malcontento.

Se el  vede on sorzeto

el ghe fà on soriseto

e co on gran e bel salton

el tenta fàrsene on bocon.

Có pa’ strada el cata gente

lu el fà l’indifarente,

ma pa’ stare pi securo

el camina arente el muro.

Quando che riva le so ore

lu el prega el so ‘signore’,

parché sul so caro bel piatin

el ghe meta on boconsin.

Có nel so gran scudelon

lu el cata calche bocon,

anca se el xe bacalà

de securo no ’l lo trà.

Elo el xe on gran ’goista

e fasendo el brao regista,

co la bona so creansa

el pensa sol a la so pansa.

Roma, gennaio 04.