La me galina

Mi a go na galinela,

tanto brava e tanto bela,

la xe tanto premurosa

e sul sesto l’ovo la posa.

Ogni dì ela lo fà

e securo lì el stà

finché mi da volpon

me vo torlo de scondon.

Ela canta coco-cocodì

che sarìa ghè l’ovo pa’ ti,

e, anca sa dormo sul sofà,

mi lo sò có la lo fà.

Pian pianelo e lesto lesto

vo ciaparlo dal so sesto

e, sicome el fà rinfresco, 

me lo bevo caldo-fresco.

Ma no só, parò, ingrato

e ghe demostro ca ghe só grato:

ogni dì ghe relago on bon paston

polenta, sémola e formenton.

Roma, gennaio 04.