La me lumega

Mi a go na lumegheta

propio tanto picoleta,

pa’ indove che la passa

on segneto ela la lassa.

Có ela ghin ga voja

la se ròsega na foja

e se la vol ciaparse el sole

la lo fà có la lo vole.

Calche volta su on moraro,

calche volta su on figaro

la se rànpega co so vanto

pa’ sentirse tanto in alto.

Calche volta sóra on sasseto

calche volta sóra on mureto

la stà còmoda sóra  lì

calma e chieta tuto el dì.

Ela la gira pa ’l me orto

e mi no ghe dò torto

se la fà chel che ghe pare

gostàndose el so magnare.

A le volte sóra on piatin

ghe lasso de carne on fiatin,

e, có ripasso par de lì,

el cician no ghè pi.

Furse la xe sorda patoca

parché fin che un no la toca

elo pol cantar, parlar, fis-ciar

ela no sconpone el so nar.

Indo’ la note ela se ritira 

furse nel dì la lo rimira

cussì da poderse rintanare

inte on còmodo casolare.

Roma, gennaio 04