Fantasie

El zugo del dotore e del malà

Ghe gera na volta du boce, on tosatelo e na tosatela, che i se voléa na mota, ma propio na mota de ben, come che xe de tuti i zovaneti de chel’età, lì. Luri i voléa farse largo ne la vita brusando i tenpi e, soratuto, fasendo le robe che fà i grandi. I gera pieni de salute, i gera senpre drio a zugare, i schersava e i ridéa par on gnente e gnanca par sogno ghe passava, par la so ciribiricòcola, i problemi de l’ICI, de l’Autotassassion, del Modelo 101 o de chelo del 740. A on serto mometo, a la tosata ghe salta in suca de contar al tosato i discursi che, ne la note pena passà, la gavéa scoltà da so mama e da so opà. La Marieta, cussì se ciamava ela, fasendo finta d’èssare indormensà, la scoltava tuti i discursi e, desso, la contava, par filo e par segno, le robe sentìe. “Te divi saver che me popà el ga dito a me mama: ‘Sito nà dal dotore’? ‘Si’. ‘Te galo fato na bela vìsita’? ‘Si, el me ga risvoltà come on calsin. El me ga dito: siora, la me fassa el piassere de cavarse el corpeto, le còtole e la camiseta’. ‘E ti, cossa gheto fato’. ‘Perdinci, chelo che me ga ordinà el sior dotore’. ‘E dopo, come zela nà’? ‘El me ga dito: cara siora, anca el regipeto e le braghete’. ‘E ti, sa gheto fato’? ‘A go fato come che el me ga dito el sior dotor’. Chì, caro Tonin mio (cussì se ciamava elo), me popà el ga tirà zó na saraca de fogo. Me mama: ‘Dìghene n’altra e no te conto pi gnente’. ‘Va ben, va ben. Va vanti’ ”. E la Marieta la continua bla-bla, bla-bla, bla-bla... . Al Tonin, che el gera zovaneto si, ma bastansa smalissià par la so età, ghe vin l’idea de refare chelo che el dotore el gavéa fato co la mama de la Marieta: el zugo del dotore e del malà! “Cara Marieta, fasemo on zugo novo: mi fasso el dotore e ti te fè la malà e, de dopo, ti te fè la dotora e mi fasso el malà. Ghe steto”? “Ghe stò, zughemo a sto novo zugo”. “Nemo in granaro indove che i ga slargà el fromento parché el se possa sugarse a fondo”. “Nemo”. Beh, par far on me comento personale, i du tosati i gera cussì tanto inocenti che, manco par idea, i se gavarìa inacorto che i stava scuminsiando a dar l’inissio del far le robe che don Piero el definìa ‘le robe brute’! Na volta rivà int’el granaro, i scominsia el zugo. “Bon jorno, siora”. “Bon jorno, sior dotore”. “Cara siora, che disturbi gala”? “Veramente, sior dotore, no savarìa dirghe de preciso, na volta sento on male chì, n’altra volta sento spissa lì e mi no sò propio cossa che sia”. “Gnente paura, siora cara. Mi, desso, che fasso na bela vìsita”. “Grassie, sior dotore”. “Prego, siora, la se spoli”. “Va ben, sior dotore” e, ela, la se cava via el vestitin. Al Tonin ghe s-ciopava el coresin par l’emossion, ma, conpagno de on dotore consumà, el nava vanti co vèra maestria. “Siora, la se cava zó anca le mudandine”. “Oh, sior dotore..., devo propio..., par forsa...”? “Ma serto siora mia, mi a só pràtico de ste vìsite e no le me fà pi né caldo, né fredo. Parò, se ela la s’invegogna e la deventa rossa, mi me svolto da chel’altra parte. Va ben”? “Grassie, sior dotore. Come se vede che elo el xe na persona ben educà, zentile e par ben”! Pena che el dotore el se rigira: “Oh, siora mia, ela la ga on male pi che grando: ghe manca calcossa, lì. La me fassa ispessionare se el xe on male curàbile o ireversìbile”! “El fassa come che ’l crede elo, sior dotore”. El mèdego el toca chì, el struca lì, el smona pi in sù, el torna pi in zó, el serca de regolarse el fià par no stofergarse e ris-ciar, sbossegando, de trar fora anca l’ànema. Elo el va vanti co la so vìsita e el deasculta el bàtare del core posando la recia sóra el botin de la pansa, ma, a sto punto, ela la lo interonpe: “Sior dotore, cussì el me fà le gatele e me scanpa la pipì”. Lora elo el ga on ato de vèro dotore proveto e: “Cara siora, gnente paura. Ela la stà ben, no la ga d’aver pensieri de salute, la pol magnar de tuto parché la xe sana come on pesse”! El Tonin el se gira verso el muro come par lavarse le man e, parò, furbeto: “Marieta, desso ti te fè la dotora e mi fasso el malà”. Prima de dar l’inissio de la seconda parte del zugheto bison, cari mii, ca ve conta la parte che ga fato na copieta de morece, una del sesso forte e una del sesso zentile. Ele, puarete, che le stava faséndose na spansada a crepapansa de bon formento, come ca se ga alzà la sobalsa del granaro e, da scalmanà, gera intrà dal pian de de sóto i du tosati, ele, tute on brìvido e spaventà a morte, le gera corse a incoatarse dessoto del coerto rifinìo co i cupi e i canai, dessora de na tarsiera, de de fianco de on murale, in on canton fra na cantinela e el bordonale. I du sorziti, vardando chel che faséa i du tusi, i faséa le so crìtiche. “Ma varda ti che mas-ciuni che xe chei du tipi lì, i stà nudi e no i s’invegogna par gnente! Eh si, almanco noialtri gavemo i nostri pili che ne fà da pelicia e ne coerze le vergogne! Luri, invesse, i le tira fora e i le mete in mostra, come se i fusse de i trofei. Ah in che mondo roverso de sporcaciuni che ne toca vìvare, pori noialtri!” Passà el primo spaventasso, sicome che i du sorzeti, oltra che èssare de i zelanti moralisti i gera, anca, tanto curiosoni, volendo védare mejo chelo che faséa chei du de de sóto de là, ela la dise a elo: “Va pi in suso, sóra el trave de colmo, ca podemo védar mejo”. “Nò nò, rebate elo, va vanti ti. Ti te sè che indove che passa na dòna on omo el passa senpre. Va vanti ti”! Dovì saver, cari mii, che el sorzeto no gera che el faséa el galante co la sorzeta; nò nò! Lu, el mandava vanti ela par prima, parché elo, par la paura ciapà, el se la gavéa fata sóto, ghe gera vegnù la mossa e el gavéa la panseta tuta bronba de pipì. El sercava, puareto elo, de sugarse co la pòlvare e le tarajne e, finché no ’l se gavesse ben sugà, soratuto parché el gera del sesso forte, no ’l voléa manco par sogno e gnanca par tuto l’òro del mondo, farse védare da ela, tuto bagnà e far la figura del cagainbraghe! Beh, lassemo i du sorzeti a far i so cominti e, noialtri nemo vanti, nando vanti de come che nava vanti el zugo de i tosati. “Bon giorno, sioro”. “Bon giorno, siora dotora”. “Come mai el vien da mi”? “Sala, geri a me go fato na spansada de fiore de figo e, desso, me sento ruare le buele,  de de drento la pansa. Védela, a go propio paura che me vegna el cagoto”! “Oh, gnente paura, caro sioro! No ’l se preòcupi pi de tanto. El xe on male da poco e passegero. Parò, par prescrìverghe on rèpisse come ca se deve e come che dio comanda, bison ca ghe fassa na vìsita conpleta. Prego, par intanto el se cava via malieta, braghe, canotiera, mudandine”. El Tonin, che el voléa far la parte de l’inesperto inmacolà: “Siora dotora, par piassere, la se giri da chel’altra parte, ché mi a só tìmido e m’invergogno. Védela, ela la xe la prima fémena che la me vede come che me ga fato me mama!” La dotora la se gira de spale co disinvoltura e, quando che la se rigira: “Odiomio, sioro caro, elo el ga on gran male! El varda che bao che el ga, lì. Desso vedo de capir de che cossa se trata”. La scominsia da lontan e la ghe rusca de drento de le rece, la ghe palpa la cópa, la ghe vèrze la boca, la ghe conta i denti, la ghe conta le còstole, la va pi in basso e, quando che la stà par rivar lì, indo’ che el Tonin el spetava, el sperava, el voléa che la rivasse, se sente on sigo de la siora Sunta, la mama de la tosata: “Marieta, indove sitoo. Te stè senpre a zugaree. Invergognate, magnapan a tradimentoo. No te senti che le porevache le burla in stalaa? Va a sbevararle a la fontanaa. Se no le beve, porecagne, no le pol far latee. Come xe ca te fasso el cafelate dimanmatinaa. Indo’ te gheto ficàa? Me sèntitooo”? De gran pressa i du tosatei i se ga rivestìi e i xe cursi, de petoton, zó par la scala de de drio del granaro e, a brasseto e bei come du anzoleti, i xe spuntà da de drio de la barchessa. La mama: “Indove geri nà a ficarve”? Marieta: “Gérimo nà inte ’l brolo. Mi coréo drio a le farfale e Tonin, co na paja, el sercavar de tirar fora i griji da le so buse”. Dopo che la siora Sunta la se gera rassicurà e calmà, come che la svolta le spale, Tonin el fà l’oceto a Marieta: “Doman riscuminsieremo el zugo e finiremo la vìsita. Te va ben, Marieta”? “Sior dotore, par mi va pi che ben”.