La befana

La befana dal camin

va catar i picinin,

se i xe brai e i xe boni

la ghe lassa i bonboni.

La befana col sestelo

va catar ogni putelo,

ma se elo no ’l xe bon

la ghe lassa sol carbon.

La befana co la scoa

co i caveiji ligà a coa,

va volando da i tusiti

pa’ inpienar i so calsiti.

Se mensona la befana,

de so cara-vecia mama

e a tute le tosete

la ghe sgionfa le calsete.

No va in oca la befana,

de intrar in na capana,

parché lì ghè i tusiti

chei tanto poariti.

La befana in ogni leto,

ela lassa on regaleto

e do’ la cata du gemei

la lassa i regai pi bei.

Core sguelta la befana,

e in na casa, se lontana,

ela lassa i regalin

sóto la capa del camin.

Vola e gira la befana

co la mora palandrana,

e a ogni brao putelo

la ghe lassa on scartosselo.

Caròbole, naranse, mandarini,

par tuti la befana lassa pensierini,

ma a ogni cativo putelo

la lassa né regalo né bujelo.

Roma, 6 gennaio 04