W el pan

Pan e ua el xe bon,

pan e fighi el xe pi bon,

magnar pan co le nose

xe conpagno star co le tose.

Pan e salado stajonà

xe na roba prelibà

pan e museto fumante

xe na roba strabiliante.

Pan co fete de panseta

xe na roba predileta,

pan co fete de sopressa

te dà tanta contetessa.

Pan e lardo xe na bontà,

roba de vèra rarità,

pan co le cincionele

el te fà rivar a le stéle.

Pan nel cafelate pocià

el te porta a sassietà

pan nel late intiepidìo

xe na roba squasi da dio.

Pan e formajo fresco

el te serve pa’ renfresco

pan e formajo stajonà

gran piassere el te dà.

Pan pocià nel vin moro

el te dà gran ristoro,

e supà nel vin bianco

no xe par gnente manco.

Pan e vin nostro Signore,

col so gran e largo core,

el li ga benedìi e moltiplicà

e, cussì, santificà.

Roma, gennaio 04