El sisolon

Quando che sona el boto,

el sisolon el s’insentà sul caregoto,

quando, invesse, xe le do ore,

elo el se crede d’èssar nostro signore.

Quando che sona le ore tre,

lu el se sente el vèro re,

ma có bate la quarta ora

par che tuto ghe vaga in malora.

Quando che a le ore sinque el se sveja

senpre na ressuression la someja,

ma se ’l se sveja a le sié

tuto va a patatrè.

Quando che riva l’ora sètima

elo par ben el se pètena,

ma se el se sveja a le ore oto

elo el se retien gran signoroto.

Quando che bate l’ora nona

lu el sostin che no ’l xe on mona,

ma xe a le ore diese

che el se sente el gran marchese.

Quando che l’ondèsima ora scoca

niuna roba lu l’inbroca,

e có bate mezogiorno

lu sol magnari boni el pretende...

che ghe stìa de torno.

Roma, 2004.