L'OMU

Un vecchiu varvasapiu

mi dissi qualimenti

l'omu si po' conusciri

di fora sulamenti;

ed è cosa urdinaria

truvari diffirenti

l'omu dintra lu stomacu

di chiddu ch'è apparenti.

Da fora è sula maschira

– ed ju mi spiegu comu

li scecchi su' filosufi. –

C'è l'omu dintra l'omu,

e spissu è un gran gianfuttiri

cui pari un galantomu.

Note. – Varvasapiu (uomo serio, che sputa sentenze) – Qualimenti (qualmente, come che) – Di fora (di fuori, esternamente) – Scecchi (somari) – Gianfuttiri (uomo tristo, impiccatello).