Anotassion

Dato che el me dialeto no el ga règole bele fisse e ognun quando che el scrive el va drio al so estro convinto de èssare l’ago de la balansa, digo ciaro e tondo che i me scriti no i xe reportà a vànvera, ma i xe conpilà secondo strete e ben spiegà règole da mi studià, rancurà e proposte nel ‘Vèneto mio’. Go dito proposte e no inposte e fintantoché le autorità conpetenti no le darà vàlide istrussion, par no zontar confusion a confusion, quando ca scrivo meto in ato i me ‘Appunti grammaticali e ortografici in veneto-vicentino’. Partanto, i criticuni boni sol a ciacolare e a far finir le robe co vin moro e pan biscoto, i fassa calcossa de concreto e no i rogni borbotando ca fasso eruri sa scrivo co la me personale, ciara e ben studià coerensa ortogràfica e gramaticale.

Nel tentativo de far pi fàssile la letura par chi no el xe pràtico del visentin, in sta sola òpara scivarò pi parole possìbile par intiero, no doprando mai l’elision.

On abrasso a tuti i vèneti nel Vèneto e de de fora del Vèneto.

Antonio Balsemin