IN MUSAS, ET LIBELLUM DE

Musarum forma, Magno Etruriae Duci

à Io. Paulo Lomatio Pictore

dicatum.

Sigismundi Foliani Epigramma.

            Virgineum postquam dulces Helicona Camoenae,

                        Fontem Castalia quique superbit aqua,

                        Ac iuga Parnassi liquerunt aspera, & unde

            Virgo Deum fugiens praecipitata fuit:

                        Hospitio magni Ducis, Arni flumina propter,

            Dignatae Medicum fortia facta canunt,

                        Amnes sistuntur capti dulcedine cantus,

            Et solito voluit lenior Arnus aquas.

                        Scilicet hoc terrae toto fuit amplior unquam,

            Quem colerent illae, nullus in orbe locus.

                        Convenit haec sedes Musis pulcherrima, Magno

            Convenit & Musas semper adesse Duci,

                        Et, quòd formosae Musae, formosus & est Dux,

            De forma utrisque hoc iure dicavit opus,

                        Qui, cerni quae oculis nequeunt, Lomatius auctor,

            Musarum formam mente animoque videt.