EL GONDOLIER

/#

Ad Antonio Maschio

#/

I tempi cambia e lu no cambia mai:

Sempre alegro, zentil e ciacolon¹⁷⁹,

Pronto a inrabiarse¹⁸⁰ e a far la pase, bon

Co' in gondola el conduse inamorai

Filosofo, educà. Tra i «premi» e i «stai»¹⁸¹

Lu canta malinconiche canzon

Co' 'l va per la laguna a zirondon¹⁸²

O co' 'l va via tra 'l scuro dei canai

Anema bona e calma de poeta,

Franco, fidà, sempre col cuor in man,

Muscoli tuti assal¹⁸³, corpo d'atleta,

Eco 'sto caro tipo del sovran

Dei canai, de la mia laguna quieta,

Eco 'sto caro tipo venezian