Indice | Parole: Alfabetica - Frequenza - Rovesciate - Lunghezza - Statistiche | Aiuto | Biblioteca IntraText |
Antonio Negri alias Rataplan In gondoleta IntraText CT - Lettura del testo |
Se ga fermà el relogio là in saleta;
A le sete e tre quarti el s'à fermà;
A l'alegro tic-tac no dava reta:
Desso, tasendo, che tristezza el fa!
Quel sôn pareva farme compagnia:
Quanta, senza de lu, malinconia!
Quel sôn me dava vita e bon umor,
Tic e tac el bateva col mio cuor
'Desso, co sto silenzio, me par squasi
D'essar solo, soleto, abandonà;
E me par sia sta i ultimi quei basi
Che za tempo, Nineta, ti m'à dà
Su i to' lavri ghe gera, sa, Nineta,
Quel tristo fredo che ghe xe in saleta!
Pareva el fogo del to amor stuà186
Come el relogio, in peto el cuor fermà!