NEVE E AMOR

Quela neve dei copi¹⁸⁷, per sgiazzarse¹⁸⁸,

Quanto tempo, Madona, che ghe vol!

Se la vede adasieto ritirarse

Dopo le longhe ociae¹⁸⁹ che ghe dà el sol

Par che a ogni tristo dì de nebie o vento,

De sgiazzarse ghe vegna el pentimento;

Par che la diga: «Resto ancora qua

Palido sol, xe assae lontan l'istà!.»

*

* *

Per tornar a sperar, quanto che speta

El mio zovene cuor za sconfortà!

Ghe xe nòve ilusion, ghè 'na segreta

Speranza, ma el mio cuor resta serà

Se le speranze de dorade e care,

Le disilusïon xe tanto amare!

No fidarte: sta atento, sa, mio cuor:

Ocio ai fantasmi xe lontan l'amor!