MISTICA

La gera bionda, bionda come 'l mar

Soto un tramonto d'oro;

Se sentiva nel canto suo scherzar

De rusignoli un coro

Splendeva ne i so' oci el senso arcan,

Dolçe del firmamento,

Ghe portava dei basi da lontan

De l'orïente el vento

El mar ninava¹⁹⁰ el so' sogno d'amor

Co un'intima dolçezza:

El sol scaldava el so' zovene cuor

Co un'infantil carezza

Le stele che sluseva su nel çiel,

In alto l'atirava;

La luna, col nebioso e bianco vel

A l'anema parlava

*

* *

In una note nera, malinconica,

El vento ga ruzà¹⁹¹,

E el mar, el queto mar, fato teribile,

Orendo, el s'à inrabià¹⁹²

El sol, el zorno dopo, nel çiel limpido

Sul mar s'à levà su

Da quela note in çiel 'na fulgidissima

Stela ghe xe de più!